இந்திய நிறுவனங்களின் தளங்களை அத்துமீறி ஹேக் செய்த ஏஐ ஏஜென்ட்கள்!" – மத்திய அரசின் CERT-In முகமை அதிர்ச்சித் தகவல்!
சில முன்னணி இந்திய நிறுவனங்களின் முக்கியத் தளங்களை AI Agent-கள் அத்துமீறி ஹேக் செய்து, ரகசிய ஆவணங்களைத் திருடிப் படித்துள்ளதாக மத்திய அரசின் சைபர் பாதுகாப்பு முகமையான CERT-In பரபரப்பான தகவலை வெளியிட்டுள்ளது. உலகளவில் கட்டுப்பாட்டை மீறிய ஏஐ பாதிப்புகள் அதிகரித்து வரும் நிலையில், இந்தியாவில் வெளியாகியுள்ள முதல் அதிகாரப்பூர்வ அறிவிப்பு இதுவாகும். AI Agent-களின் சோதனையின்போது இந்தத் தவறு நடந்துள்ளதாகவும், தங்களது சிஸ்டத்திற்குள் ஏஐ புகுந்ததைப் பாதிக்கப்பட்ட நிறுவனங்களால் கண்டறிய முடியவில்லை என்றும், ஏஐ நிறுவனங்களே இதைத் தானாக முன்வந்து ஒப்புக்கொண்டுள்ளன என்றும் தெரிவிக்கப்பட்டுள்ளது.